Design a site like this with WordPress.com
Get started

Usiweke Nukta Weka Koma

Kibinadamu inafikia mahali unachoka na kupelekea hata kukata tamaa ya kupata kile unachotaka kwenye maisha yako.

Inafikia mahali unaweka nukta, unasema sasa basi hapa ndiyo umefikia mwisho.

Njia za Mungu siyo zetu, kwenye maisha hakuna kukata tamaa, kikubwa ni kuendelea kukaa kwenye mchakato sahihi.

Unaweza ukapoteza kila kitu, ukajiona uko njia panda na ukaweka nukta kabisa kwamba inatosha.

Lakini, kibinadamu tunaweza kuweka nukta kwa sababu ya kukosa matumaini.

Habari njema ni kwamba kwamba kwa Mungu hakuna nukta bali kuna koma au mkato.
Wewe unaweza kuona umefika mwisho lakini Mungu anabadilisha nukta yako kuwa koma au mkato.

Usijiwekee nukta kwenye jambo lolote lile, weka nukta kwenye mambo hasi lakini ambayo ni chanya weka koma.

Weka koma kwenye eneo lako la kiroho, isifikie mahali ukasema kwamba umeshakamilika, bado hujakamilika, endelea kukaza mwendo ili ufike kule unakotaka kwenda.

Usiweke nukta kwenye kipato chako, endelea kuweka koma ukimaanisha fedha zinaendelea kuja na siyo mwisho.

Usiweke nukta kwenye kujifunza, weka koma, safari ya kujifunza iwe endelevu. Itanue akili yako kwa kujifunza zaidi, ukijiona unajua kila kitu, jua ni mwisho wako, na utaanguka vibaya.

Hatua ya kuchukua leo; Pale ulipojiwekea kikomo kwa kuweka nukta, kafute nukta na weka koma.

Usijikatie tamaa wala kumkatia tamaa mtu, maisha yako yatabadilika muda wowote ule, nukta uliyokuwa nayo itabadilishwa na kuwa koma.

Kila wakati jione wewe ni mshindi na umezaliwa kushinda, jione wewe ni mtu mwenye bahati sana na maisha yako yamebarikiwa na mambo mazuri yanakwenda kutokea kwenye maisha yako.

MUHIMU;
Kama bado hujajiunga na kundi la wasapu la Mimi ni Mshindi jiunge leo kwani kuna maarifa mengi unayakosa ambayo sikushirikishi hapa.

Kujua ni maarifa gani hayo na jinsi ya kujiunga nitumie ujumbe wasapu kwa namba 0717101505. Kupata vitabu vizuri vya kujisomea kwa lugha  ya kiswahili wasiliana kwamba namba 0717101505.

Rafiki Na Mwalimu Wako, Afisa Mhamasishaji Mkuu (CIO)Chief Inspiration Officer.

Mwl. Deogratius Kessy

0717101505 au 0767101504
https://kessydeo.home.blog

Leave a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: